کراچی میں افسوسناک حادثہ — ڈمپر کی ٹکر سے شخص جاں بحق، شہریوں نے ڈمپر کو آگ لگا دی
شائع شدہ تاریخ 04 نومبر, 2025
پولیس کے مطابق جاں بحق نوجوان کی شناخت شاہ زیب کے نام سے ہوئی، متوفی گارڈن کا رہائشی تھا، حادثے میں متوفی کی بیوی بھی زخمی ہوئی۔
پولیس نے حادثے کے بعد فرار ہونے والے ڈمپر ڈرائیور کو گرفتار کرلیا جس کی شناخت نیاز حسین کے نام سے ہوئی۔ ملزم کو گارڈن تھانے منتقل کردیا گیا۔
پولیس کاکہنا ہے کہ ملزم سے تفتیش کی جارہی ہے، ملزم کا کریمینل ریکارڈ بھی چیک کیا جارہا ہے جبکہ جائے وقوعہ کی سی سی ٹی وی فوٹیج بھی حاصل کی جارہی ہے۔
