پولیو مہم کی کامیابی کیلئے مل کر کام کرنا ہوگا:ڈپٹی کمشنر ننکانہ
شائع شدہ تاریخ 17 مارچ, 2020
ڈپٹی کمشنر راجہ منصور احمد نے ڈی پی او اسماعیل الرحمن کھاڑک کے ہمراہ پولیو مہم کے سلسلہ میں لگائے گئے مختلف پوائنٹس کا دورہ کیا، ننکانہ صاحب: انہوں نے عملہ کی حاضری سمیت مختلف انتظامات کو چیک کیا ۔ اس موقع پر ڈپٹی کمشنر راجہ منصور احمد نے گفتگو کرتے ہوئے کہا کہ پنجاب حکومت کے احکامات کی روشنی میں ضلع بھر میں پولیو مہم کو کامیاب بنانے کیلئے تمام محکمہ جات کو مل کر کام کرنا ہوگا،پولیو جیسے موذی مرض کا خاتمہ حکومت پنجاب کی اولین ترجیح ہے ،ضلعی انتظامیہ پولیو کے خاتمے کیلئے تمام ضروری اقدامات کررہی ہے والدین پولیو کے مرض کے خاتمے کیلئے حکومتی کوششوں کا حصہ بنیں ۔
