پنجاب حکومت نے جشن بہاراں منانے کی اجازت دے دی
شائع شدہ تاریخ 02 فروری, 2022
لاہور :پنجاب کے دل لاہور کے شہریوں کے لیے اچھی خبرآگئی ، پنجاب حکومت نے جشن بہاراں منانے کی اجازت دے دی۔ جی این این کے مطابق پارکس اینڈ ہارٹی کلچر اتھارٹی ( پی ایچ اے) کاکہنا ہے کہ جشن بہاراں 22 فروری سے 23 مارچ تک منایا جائے گا ، جیلانی پارک لاہور میں فوڈ میلہ۔ آرٹ اینڈ کرافٹ کے سٹال لگائے جائیں گے۔ علاوہ ازیں مال روڈ سے جیل روڈ تک کینال میلہ سجایا جائے گا ۔ پی ایچ اے کے مطابق جیلانی پارک میں ڈاگ شو اور مصوری کے مقابلے منعقد کیے جائیں گے ۔ جشن بہاراں کی تقریباًت میں کرونا ایس او پیز کا خیال رکھا جائے گا ۔
