وزیراعظم شہبازشریف سے آرمی چیف جنرل قمر جاوید باجوہ کی ملاقات
شائع شدہ تاریخ 29 جولائی, 2022
اسلام آباد: وزیراعظم شہباز شریف سے آرمی چیف جنرل قمر جاوید باجوہ نے ملاقات کی ہے ۔ ذرائع کے مطابق آرمی چیف جنرل قمر جاوید باجوہ کی وزیراعظم ہاوس آمد ، آرمی چیف اور وزیراعظم کی ملاقات میں اہم امور پر مشاورت کی گئی ۔ ملاقات میں ملکی داخلی اور سلامتی صورتحال پر گفتگو کی گئی ۔ ذرائع کے مطابق آرمی چیف نے پاک فوج کے پیشہ ورانہ امور پر بریفنگ دی ، وزیراعظم نے پاک فوج کی تیاریوں اور پیشہ ورانہ امور پر اعتماد کا اظہار کیا ۔ وزیراعظم نے سیلاب سے متاثرہ علاقوں میں پاک فوج کی خدمات کو بھی سراہا ۔
