مضبوط پاکستان کیلئے مضبوط فوج انتہائی ضروری ہے، چیئرمین تحریک انصاف
شائع شدہ تاریخ 01 اپریل, 2023
لاہور میں سینئر صحافیوں سے ملاقات میں سابق وزیراعظم کا کہنا تھا کہ ہمارے قومی ادارے اور ان کی مضبوطی ہماری اولین ترجیح ہے۔ مذاکرات کیلئے تیار ہیں لیکن آئین اور قانون سے ہٹ کر کوئی بات نہیں ہو گی۔
عمران خان کا کہنا تھا کہ عدلیہ کی آزادی اور آئین پر کوئی سمجھوتہ نہیں ہے۔ آزادانہ الیکشن ہی تمام مسائل کا حل ہے۔ جمہوریت کیلئے تحریک انصاف ہر آخری حد تک جائے گی۔
چیئرمین تحریک انصاف نے کہا کہ وکلا کی تحریک میں پوری قوم ان کے ساتھ ہو گی، کہا ہمارے ہزاروں ساتھیوں کوگھروں سے اٹھایا گیا ہے۔ زندگی اللہ تعالی نے اس ملک کےلیے عطا کی ہے۔
