قوت سماعت سے محرومی کاعالمی دن ،چلڈرن ہسپتال میں واک
شائع شدہ تاریخ 04 مارچ, 2020
پیدائشی قوت سماعت اور قوت گویائی سے محرومی کا علاج ممکن ،ڈاکٹر حبیب بٹر فیصل آباد: دنیا بھر کی طرح فیصل آباد میں بھی قوت سماعت سے محرومی کا عالمی دن منایا گیا ۔ اس سلسلے میں عوامی آگاہی کیلئے چلڈرن ہسپتال میں واک کا اہتمام کیا گیا جس میں میڈیکل سپرنٹنڈنٹ ڈاکٹر حبیب بٹر سمیت نرسوں اور ڈاکٹروں نے شرکت کی ، جنہوں نے ہاتھوں میں پلے کارڈز اور بینرز اٹھا رکھے تھے ، اس موقع پر ڈاکٹرحبیب بٹر کا کہنا تھا پیدائشی قوت سماعت اور قوت گویائی سے محرومی کا علاج ممکن ہے ، چلڈرن ہسپتال میں پی ٹی اے اور اے آر بی ٹیسٹوں کی مدد سے خصوصی بچوں کا کامیاب علاج کیا جارہا ہے ۔ ہسپتال انتظامیہ کے مطابق جدید سائنسی دور میں پیدائشی قوت سماعت سے محرومی قابل علاج مرض ہے ، چلڈرن ہسپتال میں ایک سال کے دوران 500 سے زائد بچوں کا کامیاب علاج کیا گیا ہے جو مستقبل میں معاشرے کے کارآمد شہری بن سکیں گے ۔
