سعودی عرب سے 3ارب ڈالر قرض کی منظوری
شائع شدہ تاریخ 27 نومبر, 2021
وفاقی کابينہ نے سعودی عرب سے تين ارب ڈالر قرض کی منظوری دے دی جو پاکستان کو آئندہ ہفتے مل جائیں گے۔ وزير اطلاعات و نشریات فواد چوہدری کے مطابق سعودی عرب سے تين ارب ڈالرز ملنے کے بعد ملکی زرمبادلہ کے ذخائر 20 ارب ڈالر ہو جائیں گے۔ سعودی عرب سے تین ارب ڈالر کی منتقلی سے متعلق تمام قانونی معاملات طے ہوگئے اور یہ رقم اس ہفتے پاکستان کو مل جائیں گے۔ واضح رہے کہ گزشتہ مہینے وزیراعظم عمران خان کے دورے کے بعد سعودی عرب نے پاکستان کے لیے ایک معاشی پیکج کا اعلان کیا تھا۔ اعلان کے مطابق سعودی ترقیاتی فنڈ غیر ملکی کرنسی کے محفوظ اثاثوں میں سپورٹ اور کرونا وبا سے نمٹنے کے لیے اسٹیٹ بینک آف پاکستان میں 3 ارب ڈالر جمع کروائے گا۔
