راجہ رنجیت سنگھ کا مجسمہ ایک بار پھر توڑدیا گیا، ملزم گرفتار
شائع شدہ تاریخ 17 اگست, 2021
لاہور کے شاہی قلعے میں راجہ رنجیت سنگھ کا مجسمہ ایک بار پھر پاش پاش کردیا گیا ہے۔ پولیس نے رنجیت سنگھ کے مجسمے کو نقصان پہنچانے والے ملزم کو گرفتار کر لیا۔ سی سی پی او لاہور غلام محمود ڈوگر نے ایس پی سٹی کو فوری جائے وقوعہ کا دورہ کرنے کی ہدایت کرتے ہوئے کہا کہ ملزم کے خلاف سخت قانونی کارروائی عمل میں لائی جائے۔ رپورٹ کے مطابق رضوان نامی نوجوان کمر پر بیگ ٹانگے، سفید شلوار قمیض اور سفید ٹوپی میں ملبوس تھا۔ اس موقع پر اس نے نعرہ حیدری یاعلیؓ اور لبیک یا رسول اللہؐ کے نعرے بھی لگائے۔ https://twitter.com/AU_Qasmi/status/1427516195331354707 لمس یونیورسٹی کے پروفیسر علی عثمان قاسمی نے ٹویٹر پر واقعے کی ویڈیو شیئر کی جس میں ملزم کو ٹی ایل پی کا کارکن بتایا گیا ہے۔ شاہی قلعہ انتظامیہ کے مطابق ملزم نے ہتھوڑے سے مجسمے کو نقصان پہنچایا، عملے نے مشتعل نوجوان کو پکڑ کر پولیس کے حوالے کر دیا۔ گزشتہ برس بھی رنجیت سنگھ کا مجسمہ توڑا گیا تھا جسے بعد میں مرمت کرکے لگایا گیا تھا۔ اس معامے میں بھی ایک گرفتاری عمل میں آئی تھی۔
