توشہ خانہ کیس سے متعلق پرویز خٹک کی مبینہ آڈیو لیک
شائع شدہ تاریخ 21 اکتوبر, 2022
توشہ خانہ ریفرنس کے حوالے سے سابق وزیر دفاع پرویز خٹک کی ایک مبینہ آڈیو لیک ہوئی ہے جس میں وہ توشہ خانہ کیس میں عمران خان کے خلاف فیصلے پر کارکنوں کو پرتشدد احتجاج کے لئے اکسارہے ہیں۔ لیک ہونے والی مبینہ آڈیو میں پرويز خٹک کہتے ہیں کہ ’’پرویز خٹک بات کررہا ہوں، تمام دوستوں کو اطلاع دی جاتی ہے، چاہے وہ تنظیمیں ہوں،ایم پی ایز ہوں یا ایم این ایز ہوں،‘‘ پرویز خٹک کہتے ہیں کہ ’’جتنے بھی کارکن ہے سب کو یہ اطلاع ہے کہ کل توشہ خانہ کا فیصلہ آرہا ہے، اگر فیصلہ ٹھیک رہا تو اچھی بات ہے‘‘۔ سابق وفاقی وزیر مزید کہتے ہیں کہ ’’اگر فیصلہ خلاف آتا ہے تو تمام ضلعوں میں احتجاج کرنا ہے، یہ بہت سنجیدہ معاملہ ہے، یہ ہدایت ہے کہ ہر ضلع میں احتجاج ہوگا۔‘‘ پرویز خٹک کہتے سنے جاسکتے ہیں کہ ’’ایک موثر احتجاج ہونا چاہیے، تقریباً تمام راستے وغیرہ بند ہونے چاہیں تاکہ لوگوں کو پتہ چلے کہ پی ٹی آئی ایک پاور ہے۔‘‘
